ماویکە فکر ئەکەم کە ئایا ئەتوانم ناو سایتەکەم لە سیاسەتیش بنووسم ، بە شێوەیکی یاسایی لە سەر بابەتی کورد، ئاخر ناو سایتەکە “کوردم” هەیە و پێم خۆشە سیاسەت کە پەیوەندی راستەوخۆ بە ئابووری و کولتوور و یاسا و ئاشتی هەیە ناو بابەتەکانما بێت. بە راستی من زۆر پێم ناخۆشە کە ڕابردووی ناوچەکەمان، کوردستان و رۆژهەڵاتی ناوەراست، جۆرێکە کە سیاسەت هەمیشە ئەبێت بە کێشە و سەر ئێشە و من پێم خۆش نیە کێشە و سەر ئێشە بۆ خۆم و باقیەکەی دروست کەم ، بەڵام سیاسەت بە راستی پرسێکی گرینگە منیش لە سەر ئەنووسم بەڵام زۆر کەم و جار جار و بە نەبەزاندنی هێڵە سورەکان.
بە راستی ئێمەی کورد لە کوێی ئەم سیاسەتە هەین، بە راس ئێمە لە سیاستی ناو ئەم ناوچەیە زۆر خراو کارمان کردە، من مناڵ بووم و دۆسەکانم لێمیان ئەپرسی ئەوە راسە کوردەکان سەر ئەبڕن؟! ئەمە هەر لە بیری من ماوە و لە داهاتویشدا لە بیرم ناچێت. ئەمە گرینگە کە ناوی ئێمە بە خراو دەر نەچێت. ئێستا بەم ناوە خراوە “کوردێ کە سەر ئەبڕێت” گەرەکمانە چەنێک بە هێز بیین لە سیاسەتی ناوچەکە ، حتێ ئەگەر کوردستانیش نەوین ، چۆن ئەتوانین ناو سیاسەتی ناوچە و جیهان خۆمان نیشانی خەڵک بدەین، و ئەگەر خۆمان نیشان بدەین ئایا خەڵک لەم ناوچە لە ئێمە قەبووڵی ئەکەن؟! و حاضرن بە ئێمەی کورد کە کۆڵێک ناوی خراو ها بە دوامانوو متەمانە بکەن و ناو سیاسەت بەشدارمان بکەن. من وا فکر ئەکەم کە حاضر نین متومانە بە ئێمە بکەن.
کەسانێکیش لە سیاسەت دوور بن لە پارە و کار و کلتوور و هەموو شتێک دوور ئەکەون لە بەر ئەوەی کەسێک نیە کە زۆر زۆر خەمخۆریان بێت و لە بەر ناوی خراو ئەوانیش کە لە سەر کارن کەمتر بەها بە کوردەکان ئەدەن.
ئێستا پرسیار ئەمەیە چی بکەین؟ من وا فکر ئەکەم ئەبێت ناو خۆمان خاس بکەین. بە هەر شێوەیک هەیە خۆمان خاس بکەین ، کلتوور و ئابووری و سیاسەتو هەموو شتێکی خۆمان بەرەو خاس بوون ببەین و بە خەڵکیش بلێین ئێمە خاسین و کێشەمان ناوێت. کەمێک دەم و زوان مان بێت و قسە کەین ، بە خاسی بە جوانی تەک خەڵک تەک هەموو کەسێک کە دەنگی ئێمە ئەبیست و بڵین ئێمە ئاشتی خوازین ، ئێمە خاسین ، ئێمە کێشەی ناوچە نین و گەرەکمانە لە خۆشی تەک هەموو کەس لەم ناوچە بژین. ئێمە ئەبێت بتوانین هەستی خۆمان کنتروڵ بکەین، ئەبێت بتوانین دەم و زوانی خۆمان کنتروڵ بکەین و بە خراوە دەم باز نەکەین ، بە شەر دەم باز نەکەین و هەر چەنێکیش ژیانمان خراوە هەر ئێمە خاس بین و بە خاسی هەڵسوکەوت بکەین تا کێشەمان کەم کەم چارەسەر ئەبێت.
